ஸினன்ஹோனா ஸினன்ஹோனா ஸ்ரீ

கண்ணினு

ஸினன்ஹோனா ஸினன்ஹோனா ஸ்ரீ
ஹரி த்யான் கரஸ்தெமொஸினன்ஹோனா

மெனிக்நா:னா மெனிக்நா:னா ஹரி
மெநி கௌ³நாஸ்தெனொ ஹரிக்ஹோனா

ஸெரீர்ரானா ஸெரீர் ரானா ஸெரீர்
ஸெர அஸ்கி ஜாய் கய் அவ்னா

அபுல்நா:னா அபுல்நா:னா ஸெரீர்
அபுல்மெனி மெனஸ்தெனொ ஹரிக்ஹோனா

ஆத்மா அபுல் ஆத்மா அபுல் ஜீ
வாத்மா மெனஸ்தெ ஆத்மா அபுல்

தா³ஸோஹம் தா³ஸோஹம் ஸ்ரீ
கேஸவ ஹரிக் அபுல் தா³ஸ் நிஜம்

ஆத்மானுஸ் ஆத்மானுஸ்
ப்³ரம்மா:தி தே³வுனு ஜீவாத்மானுஸ்

வேது³முஸே ஏ கீ³தாமு ஸே
வேதா³ந்துன் ஜனாஸ்தென் ஸங்கி³ரியாஸ்

ஜனி வசிராஸ் ஜனி வசிராஸ்
பூர்வாசார்யுனு நிஜம்ஜனி வசிராஸ்

பூர்வாசாரினு மார்கு³ பு⁴லோகுர்
ஸொடி³ சலஸ்தெ து³ர்மார்கு³

ஹரி க்ருப ஸேஸ்தெனுஸ் ஏ வாட் ஏ
த⁴ரீர் தெ⁴ரிசலன் வைகுண்டுவாட்

கு³ருப⁴க்தீஸ் ஹரிப⁴க்தி தெ⁴ரி
நிஜப⁴க்தி கரொ ஸே முக்தி

பிஸொஹா ப்ரஹலா தாழ்வாரு
பிஸொமெநி மெனுவாய் ஹிரண்யுக் த⁴ரிர்

தா³ஸுனுதா³ஸ் ஹொய்லுவொபா அபுல்
தா³ஸ்மெநி ஜனஸ்தெமொ அதா³வ்ஸேபா³

ராமானுஜ பா⁴ஷ்யம் ஸெய்லுவோ
ராமானுஜ கு³ரு த்⁴யான்கரி ஜிவ்லுவோ

ப்³ரம்ஹம் மீ மெனி மென்ஹோனா
ப்³ரம்ஹம் மீ மெனெத் பாப் அவை ஜானா

விஸிஷ்டா த்வைதம் விவேக் தே³யி
விஸிஷ்டா த்³வைம் ஸொட³த் விவேக் ஜாயி

ராமா க்ருஷணாமெனி நசொபா³
ரமனுஜாமெனி ராத் தீஸும் வசொபா³

மோக்ஷிக் ஏஸ்வாட் ஸொட³ன்ஹோனா எகொ
ஸாக்ஷி ஆழ்வார்னு ஸேனா

ஆழ்வார்னு க³வ்னி ஜனெத் பாப்
மூள்ஸெர ஜாய் யெமொ மொன்னு உனேத்

மொன்னுதெ⁴ரி யெமொ பி²ர்வொபா³ தும்ரெ
கு³ண்டெ³ம்க்³யான் தி³வொ பொ⁴வ்ரொபா³

தி³வெ தெ⁴ரி ஸவொ தே³வுக் தெ³க்காய்க்³யானு
தி³வொ நீ:ஸ்தெகொ கோனக் தெ³க்காய்

க்³யானு தி³வாம்ஸே த்⁴யானு தி³வொ ஹரி
த்⁴யானு தி³வாம்ஸே க்³யானு திவொ

வடபத்ராரினு வாடுஸ் வாட் ஸ்ரீ
நடனகோ³பால தே³வுஸ் தே³வ்